Disa SURE

Ne Emer te Allahut, Meshiruesit, Meshireberesit

KURANI KERIM

Muaji i Ramazanit - në të cilin filloi të shpallet Kur’ani, që është udhërëfyes për njerëz dhe sqaruesi i rrugës së drejtë dhe dallues i të vërtetës nga gënjeshtra. (Kur'an, 2:185)
... Sikur të ishte (Kurani) prej dikut tjetër, përveç prej Allahut, do të gjenin në te shumë kundërthënie. (4:82)
Dhe kur atyre u lexohen ajetet Tona të qarta, ata që nuk besojnë takimin Tonë (ringjalljen), thonë: “Sillna një Kur’an tjetër, ose ndryshoje këtë!” Thuaj: “Mua nuk më takon që ta ndryshojë vetë, unë përcjelli vetëm atë që më shpallet, unë nëse kundërshtoj Zotit tim i frikësohem dënimit të Ditës të madhe. (10:15)
Ne sqaruam në menyrë të ndryshme (argumentet) në këtë Kur’an, ashtu që ata të nxjerrin përvojë, por kjo nuk u shtoi atyre tjetër, vetëm se largim (nga e vërteta). (17:41)
Thuaj: “Edhe sikur të bashkoheshin njerëzit dhe xhinët për të sjellë një Kur’an të tillë, ata nuk do të mund të bënin si ky sado që do ta ndihmonin njëri - tjetrin”. 17:88.

Teksti i disa sureve

1. Suretu El Fatiha

Arabisht

Bismilahir-rrahmanir-rrahim

AMIN!

Kuptimi ne shqip:

Me emrin e All-llahut, Mëshiruesit, Mëshirëbërësit!

Falënderimi i takon vetëm Allahut, Zotit të botëve!
Bamirësit të përgjithshëm, Mëshirëbërësit!
Sunduesit në ditën e gjykimit (përgjegjësisë-shpërblimit)!
Vetëm Ty të adhurojmë dhe vetëm tek Ti kërkojmë ndihmë!
Udhëzona (përforcona) për në rrugën e drejtë?
Në rrugën e atyre, të cilët i begatove me të mira, jo në të atyre që kundër veti tërhoqën hidhërimin, e as në të atyre që e humbën veten!

Bismilahir-rrahmanir-rrahim

Me emrin e All-llahut, Mëshiruesit, Mëshirëbërësit!

A e ke parë ti (a e sheh) atë, që përgënjeshtron përgjegjësinë dhe llogarinë në botën tjetër?
Po ai është që e përzë në mënyrë të vrazhdë bonjakun.
Dhe që nuk nxit për të ushqyer të varfërin.
Pra shkatërrim është për ata që falen,
të cilët ndaj namazit të tyre janë të pakujdesshëm.
Ata që vetëm shtiren (sa për sy e faqe).
Dhe nuk japin as sendin më të vogël (as hua).